வில்லன் நடிகர் என்றால் முதல் அனைவரது ஞாபகத்திலும் வருபவர் நம்பியார் என்றால் மிகையாகாது. இவர் மறைந்த முன்னாள் முதல்வர் எம்.ஜி.ஆர் உடன் நடித்து வெளிவந்த பல படங்கள் சூப்பர் ஹிட், அதிலும் குறிப்பாக எங்க வீட்டு பிள்ளை, ஆயிரத்தில் ஒருவன், அடிமைப்பெண், படகோட்டி படங்கள் அடங்கும். எம்.ஜி.ஆர் உடன் இவர் திரையில் வந்தாலே மக்களிடம் ஒரு பெரிய எதிர்பார்ப்பு இருக்கும், அந்த அளவிற்கு இருவரிடத்திலும் நடிப்பில் ஒரு போட்டி இருக்கும். இவர்கள் இருவர் போடும் கத்தி சண்டையைப் பார்க்கவே பல தடவை ரசிகர்கள் திரும்ப திரும்ப பார்க்க வருவது மறக்க முடியாத ஒன்று.  ஒரு காலகட்டத்தில் இவரை நிஜ வில்லனாகவே மக்கள் நினைக்கும் அளவிற்கு தனது நடிப்பின் மூலம் பெயர் வாங்கியவர். இவர் தனது உருட்டும் கண்களாலும், ஒரு விதமாக கையை பிசைந்து வசனம் பேசி நடிக்கும் நடிப்பு ஒரு மிரட்டலாகவே இருந்தது.

அந்த காலத்திலேயே ஆங்கிலப் படத்தில் நடித்த பெருமை இவருக்கு உண்டு. அதுமட்டுமில்லாமல் இவர் அனைத்து முன்னணி கதாநாயகர்களுடனும் (எம்.ஜி.ஆர், சிவாஜி கணேசன், ஜெமினி கணேசன், கமல்ஹாசன், ரஜினிகாந்த்….)  நடித்த பெருமையை பெற்றவர். இவர் தனது தனிப்பட்ட வாழ்க்கையில் மிகவும் அமைதியான சினிமா வில்லன் நடிப்பிற்கு சம்பந்தமில்லாத மற்றும் ஒரு தீவிர ஐயப்ப பக்தர். இவர் தமிழ் திரையுலகில் ஒழுக்கமான, கட்டுப்பாடான நடிகர்களுள் ஒருவர் என்பதும் குறிப்பிடத்தக்கது.

http://www.indianairlines.in/scripts/spotfares.aspx#

Added on Jun 09, 2008

ர‌யில், த‌னியார் ப‌ஸ் ம‌ற்றும் உள்நாட்டு விமான‌ங்க‌ளின் டிக்கெட்டுக‌ளும்…… 

ர‌யில் ம‌ற்றும் த‌னியார் ப‌ஸ் டிக்கெட்டுக‌ள் பெறும் வ‌ச‌தியும் த‌பால் நிலையங்களில் தொட‌ங்கியிருப்ப‌து க‌ண்டிப்பாக‌ இப்போதுள்ள‌ ர‌யில்வே முன்ப‌திவு நெரிச‌லை குறைக்கும், அதும‌ட்டுமில்லாம‌ல் இப்பொழுது உள்நாட்டு விமான‌ங்க‌ளின் (இந்திய‌ன் ஏர்லைன்ஸ், ஜெட் ஏர்வேஸ், கிங்பிஷ‌ர், பார‌மெள‌ண்ட், ஏர் டெக்கான், ஸ்பைஸ் ஜெட்) டிக்கெட்டுக‌ளும் கிடைக்க‌ ஏற்பாடு செய்ய‌ப்ப‌ட்டுள்ள‌து ந‌ல்ல‌ விஷ‌ய‌மே. ஏ.ஆர்.எம்.ஐ. சொல்யூசன் என்ற தனியார் நிறுவனத்துடன் இணைந்து இந்த‌ வ‌ச‌தி அறிமுக‌ப்ப‌டுத்துவ‌தாக‌வும், அர‌சு ப‌ஸ் டிக்கெட்டுக‌ளும், இன்ஸ்ட‌ன்ட் ம‌ணியார்ட‌ர் வ‌ச‌தியும் விரைவில் கிடைக்க‌ ஏற்பாடு செய்வ‌து என்றும் முடிவு எடுக்க‌ப்ப‌ட்டுள்ள‌து. அனைத்து த‌பால் நிலைய‌ங்களிலும் இந்த‌ வ‌ச‌தி விரைவில் அறிமுக‌ப்ப‌டுத்தினால் ந‌ல்ல‌ முன்னேற்ற‌ம் தான்…

காலை 8 மணிக்குத் தொடங்கிய உண்ணாவிரதம் மாலை 5 மணிக்கு முடிவடைந்தது. இந்த போராட்டத்தின் காரணமாக உலகமெங்கும் நடைபெறவிருந்த படப்பிடிப்புகளும், தமிழக திரை அரங்குகளில் காலை மற்றும் பகல் காட்சிகளும் ரத்து செய்யப்பட்டன. கர்நாடகாவில் அரசியல் தலைவர்கள் தேர்தலுக்காக ஆட்டம் போடுகிறார்கள் என்றும் இதை முதலமைச்சர் உடனடியாக தடுத்து இப்பொழுதே நகத்தால் கிள்ளி எறிய வேண்டும் என்றும் ரஜினிகாந்த் ஆவேசமாகப் பேசினார். தமிழ்த் திரையுலகமே ஒரே இடத்தில் ஒன்று கூடி இந்த உண்ணாவிரதப் போராட்டத்தில் கலந்துகொண்டது நமக்குள் இருக்கும் ஒற்றுமையைக் காட்டியது.

பெங்களூரில் நடந்த கலவரத்தில் தமிழ் படம் திரையிடப்படும் தியேட்டர்கள், தமிழ்ச் சங்கம், தமிழக பேருந்துகள் மற்றும் லாரிகள் கடுமையாக தாக்கப்பட்டிருக்கின்றன. தாக்குதலில் ஈடுபட்டவர்கள் மீது கர்நாடக போலீசார் எந்த வித நடவடிக்கையும் எடுக்கவில்லை என்பது வேடிக்கையே.

தமிழர்களுக்கு எதிராக நடக்கும் இத்தகைய தாக்குதல்களையும் போராட்டங்களையும் மத்திய அரசின் கவனத்திற்கு தமிழக அரசு உடனடியாக கொண்டு சென்று தக்க நடவடிக்கை எடுக்க வேண்டும் என்பதே ஒட்டுமொத்த தமிழர்களின் விருப்பம்.